पालकमंत्री चंद्रकांत पाटील यांच्या हस्ते आंतरशालेय क्रीडा स्पर्धेचे उदघाटन…. शरीर, मन आणि बुद्धीसाठी खेळ आवश्यक – पालकमंत्री चंद्रकांत पाटील
पुणे : महाराष्ट्र मंडळाच्या चंद्रशेखर आगाशे शारीरिक शिक्षण महाविद्यालयात आयोजित आंतरशालेय आणि आंतर महाविद्यालयीन अडथळ्यांच्या शर्यतीचं उद्घाटन पालकमंत्री चंद्रकांत पाटील यांच्या हस्ते करण्यात आले.
चंद्रकांत पाटील यांनी यावेळी म्हटले कि, अडथळ्यांच्या शर्यतीत भाग घेणं, त्यासाठी सराव करणं हे मोठं धाडसाचं आहे, असं मला वाटतं. स्पर्धेसाठी अशा स्वरूपाचं कौशल्य प्राप्त करणं आनंददायी आहे. शरीर, मन आणि बुद्धीसाठी असे खेळ आवश्यक आहेतच. मात्र खेळ आता केवळ कौशल्य, व्यायाम किंवा स्पर्धेपुरते मर्यादित राहिलेले नाहीत. क्रीडा क्षेत्रात करिअरच्या संधी आहेत. त्या दृष्टीनेही या क्षेत्राकडे पाहायला हवं, अशी भावना या वेळी चंद्रकांत पाटील यांनी व्यक्त केली.
YOU MAY ALSO LIKE
चंद्रकांत पाटील पुढे म्हणाले कि, महाराष्ट्र शासनाने खेळांना प्रोत्साहित करण्यासाठी अनेक निर्णय घेतले. खेळाडूंना देण्यात येणाऱ्या आर्थिक मदतीच्या रकमेत मोठ्या प्रमाणात वाढ करण्यात आली आहे, आंतरराष्ट्रीय आणि राष्ट्रीय पातळीवरील यशस्वी खेळाडूंना शासकीय सेवेत थेट सामावून घेतले जात आहे. खेळाडूंना अधिकाधिक प्रोत्साहन देण्याचा शासनाचा प्रयत्न असल्याचे त्यांनी म्हणाले.
यावेळी महाविद्यालयाच्या विद्यार्थ्यांनी ‘लहेराओ झंडा’ हे सादरीकरण केले. इंडियन स्कुल ऑफ योगच्या विद्यार्थ्यांनी योगासनांचे आणि महाविद्यालयाच्या विद्यार्थ्यांनी अडथळ्यांचा शर्यतीचे प्रात्यक्षिक सादर केले.आंतरशालेय स्पर्धेत जिल्ह्यातील १०० शाळा सहभागी होणार असल्याची माहिती यावेळी देण्यात आली.
कार्यक्रमाला संस्थेचे सरचिटणीस रोहन दामले, महाविद्यालयाचे प्राचार्य सोपान कांगणे, शिक्षण विभाग संचालिका नेहा दामले उपस्थित होते.