काळीज फाटलं! जन्मदात्या आई-बापाने पोटच्या लेकराला दोन वर्षे २२ कुत्र्यांसोबत कोंडून ठेवलं

0

पुणे: आई बाबा म्हटल्यावर डोंळ्यासमोर एकच चित्र उभे राहते ते म्हणजे आपल्या मुलाचा हट्ट पुरवाणारे आणि आपल्या मुलाच्या भविष्याची चिंता करणारे असेच चित्र आपल्या डोळ्यासमोर उभे राहत असते. मात्र पुण्यातील कोंढवा परिसरात काळीज हेलावून टाकणारी घटना उडकीस आली आहे. आई-बापाने आपल्या पोटच्या मुंलाला एक नाही दोन नाही तब्बल दोन वर्षे 22 कुत्र्यांसोबत कोंडून ठेवले आहे.

याप्रकरणी आई-वडिलांविरुद्ध गुन्हा दाखल करण्यात आला आहे. बालन्याय (मुलांची काळजी व संरक्षण) अधिनियम सन 2000 चे कलम 23,28 प्रमाणे कोंढवा पोलिस स्टेशनमध्ये या घटनेविरुद्ध गुन्हा दाखल झाला आहे.

पोलिसानी दिलेल्या माहितीनुसार, कोंढवा परिसरातील कृष्णाई इमारतीमध्ये संजय लोधरिया आणि शितल लोधरिया राहतात आहे. ते राहत असलेल्या घरात २० ते २२ कुत्री आहेत. त्या घरातून खूप वास येत आहे. कुत्री असलेल्या खोलीत ११ वर्षाचा मुलगा जवळपास दोन वर्षापासून राहत आहे. तो मुलगा खिडकीत बसतो आणि कुत्र्यासारखे वर्तण करतो.

चाईल्ड लाईन संस्थेच्या समन्वयक अपर्णा मोडक यांना एकाने फोनवरून याबाबत माहिती दिली. त्या माहितीच्या आधारे त्यांनी तिथे जाऊन पाहणी केली. तेव्हा एका रुममध्ये ११ वर्षाचा मुलगा होता आणि त्याच्या आजूबाजूला विविध वयोगटाची २० ते २२ कुत्री आढळून आली. तो मुलगा बेडवर झोपलेल्या अवस्थेत होता. त्यावेळेस अपर्णा मोडक यांनी मुलाच्या आईवडिलांना अशाप्रकारे मुलाला ठेवल्यास त्याच्या आरोग्याला धोका पोहचू शकतो, असे सांगत मुलाच्या आरोग्याबाबत जनजागृती केली आणि ते निघून गेल्या.

मात्र, काही दिवसांनी जाऊन पाहिले असता परत तोच प्रकार दिसून आला. त्यानंतर मोडक यांनी पोलिसांमध्ये तक्रार दाखल केली. या प्रकरणी आरोपी वडील आणि आई यांची चौकशी सुरू आहे. तसेच त्या मुलाचे समुपदेशन करण्यात येत असल्याचे कोंढवा पोलिसांनी सांगितले.

Leave a comment