अभिनेत्री राखी सावंतला मुंबईतील अंबोली पोलिसांनी अटक केली आहे. राखी सावंत विरोधात तक्रार दाखल करण्यात आली. एका मॉडेलचा फोटो व्हायरल केल्याचा आरोप तिच्यावर करण्यात आला आहे. पोलिसांनी या प्रकरणी कारवाई करत राखी सावंत हिला अटक केली आहे.
अभिनेत्री शर्लिन चोप्राने या संदर्भात ट्विटरवर माहिती दिली कि, अंबोली पोलिसांनी राखी सावंतला ८३३/२०२२ क्रमांकाच्या एफआयआर प्रकरणी अटक केली आहे. काल राखी सावंतने अटकपूर्व जामिनासाठी मुंबई सत्र न्यायालयात अर्ज केला होता. तो अर्ज फेटाळण्यात आला. अशी माहिती या ट्विटमध्ये सांगण्यात आली आहे. राखी सावंतला थोड्या वेळात न्यायालयात हजर केले जाणार आहे. आता पोलीस कोठडी कि न्यायालयीन कोठडीत पाठवण्यात येणार आहे याबाबत स्पष्टता येईल.
BREAKING NEWS!!!
AMBOLI POLICE HAS ARRESTED RAKHI SAWANT IN RESPECT WITH FIR 883/2022
YESTERDAY, RAKHI SAWANT’S ABA 1870/2022 WAS REJECTED BY MUMBAI SESSIONS COURT
— Sherlyn Chopra (शर्लिन चोपड़ा)🇮🇳 (@SherlynChopra) January 19, 2023
राखी विरोधात शर्लिन चोप्राने तक्रार दाखल केल्याची माहिती मिळत आहे. शरलीन चा एक आक्षेपार्ह व्हिडीओ राखीने पत्रकार परिषदेत दाखवला होता. त्यावरुन आक्षेपार्ह भाषेत विधानही केले होते. म्हणून राखीविरोधात तक्रार दाखल करण्यात आली असल्याचे म्हटले जात आहे. शर्लिन चोप्राने ट्विट करत आंबोली पोलिसांनी राखीला अटक केल्याचे सांगितले आहे, त्यासोबतच शर्लिनने आपल्या एफआयआरबाबत अतिरिक्त माहितीसुद्धा नमूद केली आहे.